He male ku‘una kä?

Synopsis: What is traditional marriage?

He hihia pekelala nö kahi e kü‘ë ‘ia ana nä känäwai o Hawai‘i e ho‘okapu ana i ka male ‘ana, ‘o ia ho‘i, ‘o ke käne a me ka wahine wale nö nä mea e male kekahi me kekahi. ‘O ka mana‘o o nä mea ho‘opi‘i, he ‘a‘e ia i nä pono k?wila o ke käne moe käne, a o ka wahine moe wahine paha ma lalo o ke Kumu Känäwai o ‘Amelika Hui Pü ‘Ia.

A ke lana nei ka mana‘o o kekahi po‘e, e hiki aku ia n?nau i mua o ka ‘Aha Ho‘okolokolo Ki‘eki‘e o ‘Amelika Hui Pü ‘Ia. A he mea maika‘i paha ia. ‘O nä luna känäwai ki‘eki‘e o laila, he akamai ka hapanui, ‘a‘ole häiki ka no‘ono‘o ‘ana o läkou a pau. ‘Akahi nö a kau ‘elua ‘ölelo ho‘oholo a ia mau luna känäwai ki‘eki‘e. ‘O kekahi, ua ho‘opau ‘ia kahi ‘ölelo pekelala, he mähele no loko mai o ke Känäwai Küpale Male o ka makahiki 1996 (DOMA), e hö‘ole ana i ke ka‘a ‘ana aku o nä pömaika‘i i nä köko‘olua, he käne a he käne, a he wahine a wahine paha, i male ma ke känäwai. A ‘o kekahi ‘ölelo ho‘oholo, ua ho‘opau ‘ia ke Kumumana‘o 8 o Kaleponi, ‘o ia ho‘i ‘o Proposition 8, a i këia manawa, he hiki ke ho‘omau i ka hä‘awi ‘ana aku i ka laikini male i ke käne moe käne, a i ka wahine moe wahine paha.

‘O ka mea i pü‘iwa ai ka mana‘o, ma ia mau ‘ölelo ho‘oholo ‘elua, he 5 wale nö luna känäwai käko‘o, a he 4 luna känäwai hö‘ole. A no laila, inä ha‘alele paha kekahi luna känäwai ki‘eki‘e i ka ‘Aha Ho‘okolokolo Ki‘eki‘e, e loli paha ka hopena o kekahi mau hihia e pili ana i këia n?nau ma këia hope aku.

A ‘o ka mea i ‘ano ‘ë ai ka na‘au, ‘o ka po‘e kü‘ë i ka male ‘ana o ke käne me ke käne, a o ka wahine paha me ka wahine, he käko‘o läkou i ka ho‘okae ‘ana. Ma ka hai ‘ia ‘ana o ke kanaka no ke külana hana, ‘a‘ole hiki ke ho‘okae i ka ‘ili, a i ka wahine, a i ke käne paha. A no ke aha lä e ‘ae ‘ia ai ka ho‘okae ‘ana i ke käne a i ka wahine paha ma ka male ‘ana?

‘O kekahi po‘e, ‘ölelo läkou, he mea ku‘una ka male ‘ana o ke käne me ka wahine. Inä pëlä, pehea ho‘i ka ho‘okauä kuapa‘a ‘ana? He mea ku‘una ka ho‘okauä kuapa‘a mai kahiko mai, ‘a‘ole na‘e i ‘ae ‘ia i këia mau lä.

‘O ke ku‘una ‘ana o ka male (o ke käne a me ka wahine ho‘i), ‘o ia ihola ka mea e mau ai pëlä? Inä häiki ka no‘ono‘o o ke kanaka i kona wä e kamali‘i ana, pëlä e mau ai ia häiki o ka no‘ono‘o a kaniko‘o, a kolopupü, a haumaka‘iole, a palalauhala. Inä he na‘aupö ke kanaka, e mau kona na‘aupö a kona ha‘alele ‘ana mai i këia olahonua?

A ‘o kekahi, ua ‘ölelo ‘ia ma ka male ku‘una, he kuleana ko ke käne, a he kuleana ko ka wahine. Akä, i këia mau lä, ‘a‘ole i like ia mau kuleana ku‘una. I kekahi manawa, na ke käne e mälama i nä keiki, a na ka wahine e hele i ka hana. ‘A‘ohe pilikia o ia.

‘O ka hiki i ka wahine ke hänau keiki, ‘o ia ke kumu e pono ai ka male ‘ana i ke käne a me ka wahine? Pehea inä ‘a‘ole hiki i ka wahine ke hänau keiki a hiki ‘ole paha i ke kane ke ho‘ohäpai i ka wahine? He male ku‘una nö ia? ‘A‘ole e kapa ‘ia he male ku‘una? He male ku‘una nö, a no laila, e ‘ae ‘ia ka male ‘ana o ke käne me ke käne a o ka wahine paha me ka wahine ma ke känäwai.

• E ho‘ouna ‘ia mai nä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei: kwong@hawaii.edu, rsolis@hawaii.edu