• Synopsis: One more week to visit this year’s Maoli Arts Month (MAMo) exhibition at The ARTS at Mark’s Garage, entitled “a” mini retort and curated by April A.H. Drexel. It is supported by PA‘I Foundation, HAPA/The ARTS at Mark’s
• Synopsis: One more week to visit this year’s Maoli Arts Month (MAMo) exhibition at The ARTS at Mark’s Garage, entitled “a” mini retort and curated by April A.H. Drexel. It is supported by PA‘I Foundation, HAPA/The ARTS at Mark’s Garage and Karen and Eiko Kosasa.
Welina e nä makamaka heluhelu. Eia mai kahi leo paipai iä ‘oukou, e naue aku i ke kaona no ka mäka‘ika‘i ‘ana aku i nä hana no‘eau a kekahi mau Känaka Maoli ma ka Hale Ka‘a o Maleka. He ho‘okahi wale nö pule i koe, a ‘o ke aloha goodbye nö ia. ‘O ka lä mua o Iune ka lä hope loa e hö‘ike‘ike ‘ia ai ia mau hana no‘eau ma laila. ‘O kekahi o ‘oukou, ‘a‘ohe paha manawa e hele aku ai, ‘oiai, he häiki wale nö ka manawa e hemo ai ia hale ka‘a o Maleka, ‘o ia ho‘i, mai ka hola 12:00 o ke awakea a i ka hola 5:00 o ka ‘auinalä, mai ka Pö‘alua a i ka Pö‘aono. A no laila, e wehewehe iki ‘ia kekahi.
‘O kahi mea minamina, e ka makamaka heluhelu, ke hele aku ‘oe i laila, ‘a‘ole e ‘ike ana ka maka i ka hana no‘eau a Kapulani Landgraf i kapa ‘ia ‘o “Ka Maunu Pololoi.” ‘O ia hana no‘eau a Landgraf, he mau ‘ümi‘i ‘iole ia e kau a‘e ana ma ka paia, me kona waiüpa‘a e waiho wale ana me ka ho‘owalewale ‘ana aku i mea e pa‘a pono ai kahi ‘iole. ‘Eä, e nä makamaka heluhelu, mai noho a poina, he mau hana no‘eau këia e nünë ai a e piolo ai käkou i nä koho a käkou, ua lilo aku paha käkou a pa‘a i kahi ‘ümi‘i ‘iole, a ‘ümi‘i kanaka paha. A he aha lä ia waiüpa‘a e waiho wale ana? He hana pa‘akikï nö ke koho ‘ana, a no laila nö i hana ai ia mau Känaka Maoli i nei mau hana no‘eau a hö‘ike‘ike ‘ia aku ma ka Hale Ka‘a O Maleka i mea ho‘i e lilo ai i mea kama‘ilio ‘ia a i mea piolo ‘ia nö ho‘i. He mana‘o paha ko Landgraf iä käkou, e maka‘ala, e no‘ono‘o, e kükäkükä.
A ‘o kekahi hana no‘eau, na Künane Wooton ia, a ua kapa ‘ia ‘o “E Hö‘ai ‘Ole ‘Oukou.” He ki‘i kanaka ia i kälai ‘ia, a e moe ana, he poho ko nä lima, a he poho ko nä wäwae. A ua pa‘a kona waha i ka ‘aha a i ke kaula paha, kohu mea lä, e päpä ‘ia ana ke kanaka, ‘a‘ole e kama‘ilio. Ua wehewehe ‘ia ma ke käleka, ‘o ia hana no‘eau a Wooton, ke hö‘ike ‘ia nei ke älaina ma nä alahele e ho‘omau ai käkou, nä Känaka Maoli, i ka hana a ko käkou mau küpuna, e like me ka mea e pono ai.
E huikala mai, e nä känaka hana no‘eau, ‘a‘ole i lawa ka lumi e kama‘ilio ‘ia ai nä mea a pau, akä, ua ulu nö ka hoi i nä mea a pau i hö‘ike‘ike ‘ia ma “he” pane iki.
A mai nö a poina, e nä makamaka heluhelu, he mau hana no‘eau ia e kü‘ai ‘ia nei. Ua lilo aku nei nö kekahi i ke kü‘ai ‘ia. A no laila, inä he wahi kü‘ono hakahaka ko ka hale, e kü‘ai paha i kekahi.
A mahalo iä ‘oe, e April A.H. Drexel, ke kahu o nei hö‘ike‘ike hana no‘eau. Ua maika‘i wale käu hana a me kou no‘ono‘o pono ‘ana i ka hana e holo mua ai käkou. A mahalo nö ho‘i iä ‘oukou e nä känaka hana no‘eau näna ia mau hana no‘eau i ulu ai ka hoi a i piolo ai ka no‘ono‘o. A mahalo nui loa ho‘i i nä mea käko‘o, ‘o ia ho‘i, ‘o PA‘I Foundation, HAPA/The ARTS at Mark’s Garage a me Karen läua ‘o Eiko Kosasa. Ke lana nei ka mana‘o, e mähuahua këia ‘ano hö‘ike‘ike hana no‘eau piolo no‘ono‘o a puni ‘o Hawai‘i nei.
• E ho‘ouna ‘ia mai nä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei: kwong@hawaii.edu, rsolis@hawaii.edu
